Ma seule, plaisant, doulce joye...

Ma seule, plaisant, doulce joye,
La maistresse de mon vouloir,
J'ay tel désir desir de vous veoir,
Que mander ne le vous sauroye.

Hélas ! pensez que ne pourroye
Aucun bien, sans vous, recevoir,
Ma seule, plaisant, doulce joye,
La maistresse de mon vouloir.

Car, quant Desplaisir me guerroye,
Souventesfois, de son povoir,
Et je vueil reconfort avoir,
Esperance vers vous m'envoye,
Ma seule, plaisant, doulce joye !

Charles d'Orléans - 1394 ? 1465